глас 4
Готовися, Завулоне, и красуйся, Неффалиме, Иордане реко, стани, подыми, взыграя, креститися грядуща Владыку; веселися, Адаме с праматерию, не крыйта себе, якоже в раи прежде, ибо, наги видев вы явися, да облечет в первую одежду. Христос явися, всю тварь хотя обновити.

глас 3
На рамо вземши крест свой, последовала еси Христу милостынею, постом и молитвою, всехвальная Иулиание милостивая, и всем, в мире живущим, правило явилася еси жития, темже Вышнее Царствие наследо­вавши, непрестанно моли спастися душам нашим.

Слава

глас 8
Скоропослушливую помощницу вси, сущии в бедах и болезнех, воспоем Иулианию святую, та бо в мире богоугодно поживе и милостыню к нищим безмерну показа, сего ради обрете благодать чудес Божиим видением.

И ныне

глас 4
Во струях днесь Иорданских быв, Господь Иоанну вопиет: не убойся крестити Мя, спасти бо приидох Адама первозданнаго.