глас 8
Российскую звезду, Коломны благую отрасль, града Петрова цвет неувядаемый, Кашина облистание и похвалу, Григория богомудраго восхвалим, дивнаго во святителех и преславнаго в мученицех: той бо молится присно о душах наших.

Слава

глас 6
Безбожныя власти повелений не убоявся, но божественною благодатию укрепляемь, Григорие, словом Господним стадо твое от душетленных волков оградил еси; в час же смертный немолчно о нем Пастыреначальника молил еси: ускори, о Щедрый, и потщися, яко милостив, в помощь нашу, яко можеши хотяй.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.