глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Молитва усердная пища и питие бысть блаженне Василие, в несении креста жития странническаго любовь Христову познал еси. Оком чистым будущая яко настоящая прозревая, радость и от бед избавление требующим твоея помощи даровал еси. Темже и нас, яко Божий избранник, не забуди твоими ходатайствы Христа Бога о нас умоляющи.

Слава

глас 8
Вышния красоты желая, нижния сласти телесныя тощно оставил еси, нестяжанием суетнаго мира, Ангельское житие проходя, скончався, блаженне, с нимиже Христа Бога моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.